قبل وبعد للاسوأ

طول ما بيلاقوا اللى بينضف وراهم  عمرهم ما هينضفوا!!!

طالاما بيلاقوا اللى بينضف وراهم ميوسخوش ليه!!!

هكذا هو الحال فى معظم احياء القاهره 

حين يغيب الوعى والاحترام للبيئه حتى ان كان من اصحاب الشهادات العاليه او المناصب العاليه

يترجم هذا الجهل البيئي فى الصور التى تعرض عليكم الان

حيث انه فى حى الكندى بالمعادى الجديده ينقلب الحال من جميل الى اسوأ

يضيع مجهود هؤلاء الشباب وهؤلاء الاطفال فى عمر الزهور .. الذين فضَّلوا مصلحة بلدهم ومنطقتهم على حساب مصالحهم الشخصيه واوقاتهم 

حيث نزلوا الى الشارع بعد ثورة 25 يناير ليبدأوا بانفسهم ويغيِّروا منطقتهم للافضل ، وبدأوا فى تنظيف مدخل المنطقه من اكوام الرتش وتشجيره والاهتمام به وبناء المقاعد للماره .. بأيديهم ، كل شئ بأيديهم ومجهودهم واموالهم وبدون اى مقابل ؛ فقط ليروا السعاده عليهم وعلى اهالى المنطقه

ليأتى بعد هذا بعض من اهالى المنطقه ليهدموا ما بنوه من مقاعد ويشوهوا هذا المكان النظيف باكياس القمامه واكوام الرتش والحيوانات الميته!!!

حقا ؛ يجب تنظيف العقول اولا قبل تنظيف الشوارع!!!!

شكرا لمن دمر وشوه مجهود هذا الشباب :)

توضيح هام بخصوص الرابطه

جنينه الحمد لله بتتسقى كل يوم من احد شباب الرابطه ربنا يكرمه ويباركلنا فيه يارب

واحنا مبنعملش حاجه جديده الفتره دى لاننا ممولنا الوحيد هو جمعية رساله وبيبقى ليه وقت محدد وكمان مش مضمون
وتبرعات بسيطه مننا كـ شباب للرابطه بندفعها بعد كل لقاء لينا واحنا عددنا 6 دائمين وكل شهر لازمين نفسنا اننا ندفعها عشان الخير

احنا عندنا خطط ان شاء الله هتكون فعاله ومؤثره جدا فى المنطقه
ومنها اننا عايزين ::-
1- نعمل ميدان فى مدخل الكندى بشكل جمالى سيكون وجهه مشرفه بإذن الله.
2- الرصيف الفاصل بين منطقتى الكندى والنصر واللى النقل واخده ومشوه صورة المنطقتين هنزرعه كله ان شاء الله نجيله واشجار وهنجمل الارصفه وبالتعاون مع بتوع النقل والورش ان شاء الله.
3- تجميل وتنظيف مدخل النصر.
4- نفسنا بجد نعمل اى خير للمنطقه او للمحتاجين وخصوصا فى شهر رمضان
 
واول 3 نقط دول كانت خطتنا فى الفتره اللى جايه وبجد بنتمنى تنفيذهم