كم حد فيكم من اللى ساكنين فى الكندى او النصر بيبقى لسه راجع من الشغل او الجامعه او المدرسه
وبعد يوم شاااق طويل جدا وتعب وحر
وبيركب مواصلات وبيطلع كوبرى المشاه فى عز حرارة الشمس
وبيمشى على رصيف الكوبرى عشان يدخل المنطقه
بيبقى نفسه يلاقى اى كوباية مايه يشربها
او يملى الازازه اللى معاه
!!!!!!!!!!
ايه رأيكو نعمل كولدير فى المكان ده - فى منتصف الرصيف اللى نازل من كوبرى المشاه-
واحنا داخلين على رمضان اهو يعنى ممكن سكان الكندى والنصر كلهم ياخدوا ثواب افظار صائم .. لان اى عابر طريق عالاوتوستوراد عدى وقت الادان هينزل يشرب منه
ويا سلام بئا لو زرعنا كام شجره كده بطول الرصيف :) !!
بجد هيبقى ثواب جامد جدااااا
يعنى احنا فى الكندى بس 50 عماره وشوفوا فى كل عماره كام اسره
لو كل فرد دفع 5 جنيه فى المنطقتين ممكن نجيب تمن تكلفة الكولدير وممكن يتبقى فلوس منها كمان
ودى تكلفة الكولدير
يتراوح سعر المبرد من 1200 جنية إلى3500 جنيه حسب قوته "نصف حصان أو حصان إلا ربع أو حصان" وعدد الصنابير به من 1 – 6 حنفية ونوع الماتور فأغلى أنواع المواتير هو الألمانى وأقلها ثمناً الصينى، يضاف عليها 100 إلى 350 جنيها تكلفة تركيب مواسير الماء حسب بعد المبرد عن مصدر المياه، وقد يضع لها البعض غطاءً من الحديد يحميها من السرقة تصل تكلفته حوالى 450 جنيها.
فا ايه ؟؟؟؟ ايه رأيكوا فى الفكره ومين مستعد يشارك فيها ؟؟؟؟
0 comments:
إرسال تعليق