اولا: ده الموقع اللى هتدخلو وتسجلوا فيه وتقدموا الشكوى معانا
http://www.complain.idsc.gov.eg/GCP/Default.aspx
ثانيا : مجلس الوزرا اتصل بييا فعلا وقالولى انه هيبدأوا ياخدوا الاجرائات
وبعدين نزل كمين فى المنطقه وقبض على شوية ناس معاهم مخدرات
فالشكوى ان شاء الله هتعمل حاجه وهتأثر
ولما هيلاقونا كتير اكيد هيهتموا اكتر
ثالثا: ده نموزج من الشكوى اللى انا اشتكيتها ياريت تتعاونوا معانا
مش هتكلفكوا حاجه :)
وده نص الشكوى
المنطقه كلها ورش ونقل ثقيــــــــــل واصحاب الورش والنقل الثقيل يشوهون
المنطقه ويثيرون الازعاج والناس متعرفش تمشى فى الشارع من كتر المكانيكيه
واكوام الردش الكثيــــــــــره اللى غرقانه فيها المنطقه
احنا كرابطة شباب تخلصنا من بعض هذه الاكوام وزرعنا مكانها جنينه ولكن
يوجد اطناااااااااااان من هذه الاكوام فى جميع انحاء المنطقتين الكندى
والنصر غير المحلات المهجوره التى يسكنا البلطجيه والحراميه
نريد
التخلص من هذه الكميات المهوله من اكوام الرتش والتخلص من الميكانكيه
والورش وسيارات النقل التى تغزو المنطقه وسفلته الشوارع لان الناس الكبيره
مبتقدرش تمشى واصحاب السيارات كوتشاتهم بتبوظ
احنا جبنا موافقه
على انشاء نقطة امن بمدخل المنطقه من 17-10-2011 ، لانه يحدث تثبيت وسرقه
ويزيد عليهم وجود العمارات المهجوره الغير مكتملة البناء ولسه الى الان
بتاخد لفتها فى الحكومه :( ..
وشكرا وانا متفائله كثيرا من حكومتكم ياريت تبقوا عند حسن ظنى بيكم .. ربنا يوفقكم يارب
وده فى خانة الحلول المقترحه :
- المحلات المهجوره بمنطقة النصر يمكن تنظيفها من الرتش ونقل سيارات النقل
اليها بدلا من اشغالها للطريق الواصل بين الدائرى والاوتوستوراد وتشويه
منظر المنطقه
او التخلص منهم نهائيا ونقلهم لمنطقه صناعيه او غير مسكونه قريبه منهم
- سفلتة الشوارع
- تشجيعنا بتخضير وتشجير المنطقه .
- انارة شوارع الكندى والتخلص من الورش.
- تحويل العمارات المهجوره الى مكاتب خدميه او مولات او جمعيات خيريه او مستشفى.
واحنا كرابطة شباب الكندى والنصر هنساعدكم
1 comments:
متعتبروش ده احباط منى ولا تقليل من قيمة اللى بتعملوه بس ، الكمين اللى اتعمل فى الكندى كان عشان الشكاوى المتكررة من ضرب النار اللى كان زايد اوى فى الوقت ده بسبب مشكلة الكندى ومساكن العرايس ، الحكومة مش هاتتحرك عشان الورش ولو اتحركت هاييجو وياخدو اللى فيه النصيب ويمشو تانى ، الحاجة الوحيدة الايجابية اللى اتعملت واللى هاتتعمل هى اللى عملتوها بايديكو ، وربنا معاكو
إرسال تعليق